Avokati: Vrasësi qeshte sepse mund të jetë porositur për vrasjen e policit në Fier

Në orët e vona të mbrëmjes se djeshme është vetëdorëzuar në polici 23-vjeçari që vrau policin Novruz Cenalia në Fier.

Në media janë publikuar pamje teksa familjarët fusin në makinën e tyre Azgan Mërnicën, autorin e vrasjes së efektivit të “Shqiponjave”, për ta dorëzuar më pas në polici. 23-vjeçari shihet duke qeshur dhe tepër i qetë.

Avokati Gylsen Zhllima tha në emisionin GoodMorning Albanians në Euronews Albania se vrasësi qeshte sepse mund të jetë porositur për vrasjen e policit në Fier.

“Edhe mënyra se si e mbrojtën, dyshoj se përderisa familja është e përfshirë në ngjarje kriminale, mos ka qenë ndonjë hakmarrje, ndonjë porosi ndaj efektivit të policisë… I qeshur, Zotin e ke para, i thanë, ku po shkon? Mos dikush ka porositur diçka, se për një gërvishtje, për një parkim… Epo edhe vetëdorëzim kur ke gjithë RENEA-n në këmbë tregon dështim të policisë. Fakti që ai është i qeshur, i qetë, shumë i mbajtur dhe i mirëmbajtur diçka tregon aty”, tha avokati.

LEXONI GJITHASHTU:

• Përcillet sot në banesën e fundit, kolegët nderojnë policin që u vra në Fier (VIDEO)
• Vetëdorëzohet 23-vjeçari qe ekzekutoi efektivin e Shqiponjave