Avokati Zhllima: Burrat marrin mbiemrat e grave për ekspulset ose krimet që bëjnë

Avokati Gylsen Zhllima është shprehur se tradita e dikurshme kur gruaja duhet të merrte mbiemrin e burrit, në Shqipëri është zbehur paksa kohët e fundit.

Në emisionin “Good Morning Albanians” në Euronews, Zhllima tha se në shumë raste çiftet mbajnë mbiemrat e tyre respektiv, ose burri merr mbiemrin e gruas.

Ai tha gjithashtu se rastet më të shumta kur burrat marrin mbiemrin e grave janë te të rinjtë, të cilët kanë marrë ekspuls në pasaportat e tyre dhe e kanë të pamundur të dalin jashtë vendit.

“Burri sipas traditës sonë i thotë gruas ti do mbash mbiemrin tim. Ligji nuk e njeh këtë traditë. Ligji thotë o veç e veç, ose me marrëveshje për një mbiemër të përbashkët. Shumë djem të rinj, për shkak se kanë marrë jashtë shtetit ekspulse dhe nuk mund të dalin jashtë vendit, kanë marrë mbiemrin e gruas.

Edhe këto janë martesa fiktive. Pra ky është trendi sot. Ka edhe arsye të tjera, por e vërteta sot është që shoqëria jonë sot është pak më e avancuar. Unë dhe bashkëshortja kemi mbiemrat tanë.

Pastaj ka raste që burrat marrin mbiemrin e grave kur përshembull mbiemri është një mbiemër historik, i rëndësishëm. Por kur palët shkojnë të zgjidhin martesën, kërkuesi kërkon që martesa të zgjidhet, por edhe mbiemri të rikthehet si për vajzën, ashtu edhe për dialin”, tha Zhllima.

LEXONI GJITHASHTU:

• Fëmijët duhet të kenë mbiemrat e të dy prindërve, gjykon Kushtetuesja italiane
• Barazia gjinore, komisioneri-Parlamentit: Kodi i familjes duhet ndryshuar