“Pinë 1 cigare dhe i falën pasuritë”, avokatja: Çifti u bashkua pas 20 vitesh ndarje

Avokatja, Drita Avdyli, ishte e ftuar në emisionin “Good Moring Albanians” në Euronews Albania. ajo tha se kontratat paramartesore në shumë raste bëjnë që martesa të ketë jetëgjatësi dhe të ndihmojë në një martesë më të mirë.

Avokatja dha një rast ku një çift u bashkua pas 20 vitesh divorc, për shkak të marrëveshjeve të ndërmjetësimit. Ajo shtoi se raste të tilla ka shumë dhe ndërmjetësimi është një mënyrë për të ulur tensionet mes çifteve.

“Më ka ndodhur që kanë vendosur për tu ndarë, kanë bërë dhe kat marrëveshjen dhe janë pajtuar. Ky rast më ka ndodhur në Durrës, pasi burri nuk donte që pasuria e tij ti kalonte fëmijëve dhe pas 20 vitesh ndarje burri tha që dua të bashkohem.

Pra pavarësisht se ishin të divorcuar, gjatë ndarjes me marrëveshje ndërmjetësimi u ribashkuan. Ndërmjetësimi është një art më vete dhe kur komunikon dhe tensionet bien dhe gjakrat ulen. Na ka ndodhur kanë pirë një cigare, janë takuar në ballkon dhe i kanë falur pasurinë njëri-tjetrit” tha Avdyli.

LEXO GJITHASHTU:

• Divorci i çiftit mbretëror, prokuroria mbyll hetimet për dhunë, çështja për gjykim
• Prostitucioni, aborti, divorci a i justifikojnë shqiptarët?