Avokati Ndue Pjetra tha në emisionin GoodMorning Albanians në Euronews Albania se nuk mund të ndodhë asnjëherë që një baba të përdhunojë vajzën e vet.

Sipas tij, në rastet që mund të ketë ndodhur nuk ka qenë babai biologjik i vajzës.

“Asnjëherë nuk ndodh, nuk është fëmija i tij, shkencërisht nuk mund të ndodhë, nuk ka raste.

“Unë them që nuk ekziston shkencërisht që një baba të përdhunojë vajzën e vet, nuk e ka me atë baba. Nuk është babai biologjik, e ka me njëri tjetër. Kemi një rast që thoshte 16 vjet më ka përdhunuar babai, e çuan në gjyq që t’i marrin pronën. 16 vjet jetonin në një dhomë, babai me 2 vajzat dhe një djalë dhe ajo thoshte 16 vjet më ka përdhunuar babai, ndërkohë që asnjëherë të vetme s’e kishte parë askush. U detyruam dhe kërkuam ADN e vajzës”, tha avokati.