Babaramo: Po vendosen baste për kreun e ri të SPAK-ut

Gazetari Ilir Babaramo deklaroi se po vendosen baste se kush do të zgjidhet kreu i ri i SPAK-ut.

Në emisionin “Now” në Euronews Albania, Babaramo pyeti se kush do të ketë ndikim më të madh në këtë proces, ambasadorja Yuri Kim, apo politika shqiptare.

“Në këtë situatë që jemi, pyetja është, kush ka fuqi blerëse më të madhe, kjo që ka ikur apo këtu që ka pushtetin? Kanë filluar të vihen baste, shumë veta e parashikojnë që ka për të qenë rezultati 8-3. Edhe ata të tre, kanë ndonjë interes konsullor në SHBA.

Përse erdhëm në këtë pikë? Erdhëm në këtë pikë dhe reagimi diplomatik më duket si ai që zgjihet, kthjellohet befas në mëngjes, pas një nate të gjatë që ka abuzuar me alkool të cilësisë së keqe”, theksoi ai.

Për kreun e SPAK-ut, garojnë prokurorët, Adnan Xholi, Altin Dumani dhe Edvin Kondili.

LEXONI GJITHASHTU

• Si veprohet nëse ka balotazh? Ja çdo ndodhë me kreun e ri të SPAK-ut
• Gazetari zbulon emrat: Kë preferon Yuri Kim dhe Edi Rama për kreun e SPAK-ut
• Ish-kreu i Prokurorisë: Ka ndërhyrje në KLP për shefin e SPAK