Konsulli i Ukrainës në Shqipëri, Bled Bajraktari thotë se në rajonin e Donbasit dhe Donjeckut po zhvillohen luftime të përgjakshme midis ushtrisë ukrainase dhe asaj ruse.
Në “Euronews Albania”, Bajraktari tha se dikur këto territore quheshin ruso-folëse, teksa shtoi se Mariupoli ende nuk ka rënë plotësisht në duart e rusëve.
“Luftime të përgjakshme ka në Donbas. Në rajonin e Donjeskut janë disa fshatra dhe qyteza në të cilat po luftohet fort si dhe në rrethinat e Karkovit. Janë pikësynimet e Putin i cili do atë territor që dikur mund të quhej ruso-folëse. Sot atë territor po e kthejnë në ruso- urrejtje. Mariupoli është një nga pikat e nxehta. Mariupoli nuk ka rënë 100%, është batalioni Azov i cili mbahet në fabrikën metalurgjike”, tha ai.
Bajraktari shpreson në ulje të tensioneve dhe një armëpushim për të evituar sa më shumë humbjen e jetëve të civilëve.
LEXONI GJITHASHTU
- Rusia mund ta fitojë luftën në Ukrainë, thotë Xhonson
- Kush e kontrollon Mariupolin? Pretendimi i rusëve dhe reagimi i SHBA-së
