Bajrami e Gurishta analizojnë duelin kualifikues: I vështirë, nuk ka favorit

Vllaznia gati për duelin e kthimit ndaj Vikingur, protagonistët premtojnë sukses

Vllaznia beson se do të kualifikohet në raundin e tretë të Konference League, ndërsa të enjten luan ndeshjen e kthimit nda Vikingur në Rejkjavik. Gurishta e Bajrami kanë analizuar duelin, ndërsa premtojnë se do të japin maksimumin.

Fitorja e pak ditëve më parë në Loro Boriçi në shifrat 2-1 i ka dhënë një siguri më tepër Vllaznisë në prag të ndeshjes së kthimit përballë Vikingur Rejkjavik. Skuadra e udhëhequr nga Edi Martini ka mbërritur në Islandë ku ka zhvilluar dhe përgatitjet e fundit, ndërsa lojtarët kanë premtuar se do të japin maksimumin.

“Normalisht ndeshje me emocione, mezi e presim, kemi mundësi të kalojmë në turin e tretë. Jemi gati, po ambientohemi me klimën. Kemi stërvitjen para ndeshjes, çdo gjë është në ritmin e duhur, presim vetëm orarin e të futemi në fushë”, thotë Erdenis Gurishta, futbollist i Vllaznisë.

“Atmosfera është shumë e mirë, kishim rrugëtim pak të lodhshëm, sot stërvitja dhe përgatitemi për ndeshjen. Shpresoj të kthehemi me rezultat pozitiv”, shprehet Melos Bajrami, futbollist i Vllaznisë.

Më tej, Bajrami ka komentuar dhe golin e shënuar në ndeshjen e parë.

Sinkron: Melos Bajrami, Futbollist i Vllaznisë

“Goli në Evropë la shije tjetër, duke ditur rëndësinë e ndeshjes, para tifozëve, emocion i mirë për mua, jam i lumtur”, u shpreh ai.

Ndeshja mes Vikingurit dhe Vllaznisë luhet të enjten në orën 20:45, me islandezët që cilësohen favoritë në letër.

LEXONI GJITHASHTU:

• Vllaznia mposhtet minimalisht nga Daugavpuls, Partizani barazon me Nomme Kalju
• Vllaznia nis të enjten rrugëtimin në Conference League, Martini kërkon fitoren