Balla jep “urdhrin”: Të ndalohen sa më parë djali e vëllai i mikut tim Rrahman Rraja

Ministri i Brendshëm Taulant Balla mbajti këtë të hënë takimin e parë me drejtuesit e lartë të Policisë së Shtetit. Në fjalën e tij, Balla riktheu dhe njëherë në vëmendje ngjarjen e Fushë-Krujës, ku të afërmit e ish-deputetit Rrahman Rraja, dhunuan barbarisht dy qytetarë që u ankuan për guroren në pronësi të tyre.

Balla tha se kërkesa e parë që u kishte dhënë vartësve të tij ishte arrestimi një orë e më parë i vëllezërve dhe djalit të ish-mikut të tij Rrahman Rraja, të cilët morën pjesë në atë skenë të shëmtuar.

“Në takimin e parë që kam zhvilluar me Drejtorin e Përgjithshëm dhe atë të Tiranës, kërkesa ime e parë ishte ndalimi sa më parë i vëllait dhe i djalit të deputetit të Fushë-Krujës, i cili është miku dhe ish-kolegu im, Rrahman Rraja. Ai me gjestin e tij të dorëzimit të mandatit bëri detyrën e tij karshi qytetarëve, duke u vetëndëshkuar moralisht. Po ndërkohë Policia e Shtetit ende nuk e ka bërë detyrën e saj për të ndëshkuar ligjërisht dy individët e lartpërmendur, të cilët e kanë vendin para drejtësisë. Një orë e më parë. Por ajo skenë e shëmtuar në Fushë-Krujë, ka një përmbajtje shumë më domethënëse për Policinë e Shtetit se sa kapja e autorëve të saj. Sepse ajo skenë flet për një situatë të majisur më parë, nga toleranca e papranueshme e policisë së asaj zone, e cila nuk i dëgjoi ankesat e banorëve dhe për pasojë zgjodhi të bëhej mburojë e paligjshmërisë, duke u sjellë si e fortë me të dobëtit dhe e dobët me të fortët. Shkrirja e komisariatit të Fushë-Krujës ishte përgjigja e duhur ndaj një dështimi shumë më të gjerë dhe më të thellë, se sa gurorja e konfliktit që e nxori dështimin e atij komisariati në sipërfaqe.

LEXONI GJITHASHTU:

• Balla mban fjalën e parë si Ministër i Brendshëm: S’do të ketë ndryshime drejtuesish
• Balla porosi drejtuesve të policisë: Asnjë deputet të mos ndërhyjë në punën tuaj