Balla: Zotohem për goditjen e vazhdueshme të shpërndarësve të drogës

Policia e Shtetit po godet vazhdimisht rrjetet e shpërndarësve të lëndëve narkotike. Ministri i Brendshëm, Taulant Balla ka bërë me dije se gjatë 48 orëve të fundit aksionet policore në Gjirokastër, Lezhë, Mirditë, Berat dhe Durrës kanë ndaluar gjashtë persona dhe sekuestruar doza të shumta kokaine dhe kanabis në mjedise argëtimi, të frekuentuara nga të rinjtë.

Ai u zotua ndaj publikut se goditja sistematike e këtij fenomeni do të ketë rezultate të përditshme.

:Publiku dhe çdo familje shqiptare presin që Policia e Shtetit të vijojë të marrë më shumë përgjegjësi ndaj çdo të riu e të reje, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e keqbërësve të narkotikëve. Prandaj Policia e Shtetit i ka sot paketën e sigurisë në shkolla dhe luftën kundër shpërndarjes së lëndëve narkotike prioritete kryesore,” – u shpreh Balla.

LEXONI GJITHASHTU:

• Balla pret Zveçlën: Bashkëpunim të shkëlqyer kundër krimit
• Vlorë| Balla viziton në spital vajzën e përdhunuar: Pandëshkueshmëria do marrë fund