Ballafaqimi i koalicioneve ndëretnike ne RMV, analisti: Gara nuk mund të eliminohet aq shpejt

Analistët nga Maqedonia e veriut Nazim Rashiti dhe Sefer Selimi thanë në studion e “Balkan Talks” se në këtë fushatë nuk ka pasur tension agresiv si në fushatat e mëparshme.

“Nuk ka tension as në narrativat ndëretnike, as në kuptimin e mënyrës se si bëhet fushata që më përpara ka pasur probleme të tipit banal të thyerjes së shtabeve zgjedhore, elektorale apo kërcënime agresive,” – tha Rashiti.

Sipas Selimit fokusi në këtë fushatë ka qenë te oferta, por solli në vëmendje se edhe ofertat që po bëhen nga kandidatët duken larg asaj që është realisht e mundur.

Ndërkohë analisti theksoi se anketat fillestare tregojnë për një rezultat shumë të ngushtë.

“Është fakt se në Maqedoninë e Veriut kemi një shumicë të brishtë me vetëm një deputet më tepër nga shumica e nevojshme dhe kjo mban në këmbë të kristalta qeverisjen e zotit Zaev,” – deklaroi Selimi.

Në këndvështrimin e analistit Rashiti, RMV-ja ende nuk është shkëputur komplet nga ndasitë etnike. Supremacia maqedonase është ajo që mbizotëron tani, nëse nuk ka konflikte të drejtpërdrejta ndëretnike.

LEXONI GJITHASHTU:

• Blerim Reka: Angazhimi i presidentit Biden do sjellë njohjen reciproke Kosovë-Serbi | Balkan Talks
• Ekspertja gjermane: Vendet e Ballkanit Perëndimor s’janë të përgatitura për të hyrë në BE
• Gjeopolitika e Ballkanit drejt integrimit në BE, analistët diskutojnë problematikat që hasin vendet e rajonit