Zëvendëskryeministrja dhe njëkohësisht ministrja e Infrastrukturës dhe Energjitikës, Belinda Balluku, ka kërkuar nga Komiteti Kombëtar i Digave të Mëdha (KKDM), që të ketë rol më aktiv përsa i përket digave në vend.

Komentet Balluku i bëri në Simpoziumin ndërkombëtar “Sfida dhe inovacione për diga të sigurta”.

Balluku tha gjithashtu se eksperienca europiane për digat është e shkëlqyer, por sipas saj, edhe eksperienca e KESH është e mirë, pasi sipas saj, Kaskada e Drinit është një kryevepër arti e sistemit hidroenergjitik.

“Është e rëndësishme që të evidentojmë problematikat. Por të dëgjoja që identifikojë Arian problemet rregullatore që ne kemi, një nga problemet që ka KKDM është padyshim që të punojë përsa i përket kuadrit rregullator dhe gjithçkaje që vendos funksionimin e digave në vendin tonë.

Unë do i kërkoja zyrtarisht sot KKDM që përveç pjesëmarrjes në konferenca, padyshim do të duhej të kishte një rol më aktiv përsa i përket digave në Shqipëri.

Eksperienca europiane është e vyer, por ne kemi edhe një eksperiencë shumë të shkëlqyer, që është ajo e KESH. Kaskada e Drinit është një kryevepër arti e sistemit hidroenergjitik dhe kryevepër arti e sistemit të digave”, tha Balluku.

LEXONI GJITHASHTU:

• Balluku pas dëshmisë në SPAK: Drejtësia të bëjë punën e saj, ne do ta mbështesim
• Balluku inspekton kantierin e lotit 4, të aksit rrugor Elbasan-Qafë Thanë