Balluku nga Dibra: Të katërta bashkitë do të udhëhiqen nga socialistët

Numërimi në KZAZ-në 19 në Dibër po ecën me ritme të mira. Në ambientet ku po zhvillohet procesi ka mbërritur dhe zv. kryeministrja Belinda Balluku e cila ka statusin e përfaqësueses politike të Partisë Socialiste në këtë qark.

“Isha në Klos. Rezultati është me të vërtetë shumë interesant. Klosi siç ju e dini është një vend që jo vetëm ka votuar djathtas, por ka qenë nën thundrën e Bedri Hoxhës për 5 mandate, një vëllai, katër Bedriu, kështu që për Klosin është një çlirim, një frymëmarrje. Në këto momente që flasim jemi në kutinë e dhjetë dhe avantazhi i Valbonës është mbi 400 e ca vota, kështu që pas Klosit shkova të shikoja se si po ecte procesi i numërimit në Bulqizë. Kutitë e para që janë kutitë e Martaneshit, Festime Mjeshtri fiton ndjeshëm, në ndërkohë vazhdon dhe numërohet qyteti ku ka edhe aty një diferencë të thellë midis dy palëve. Tani thash që ta mbyllja, pasi Mati nuk ka nevojë që të kishte ndonjë suport apo ta shikoja, pasi Mati filloi numërimin para së gjithash duke fituar një nga qendrat që në 2021-shin ka qenë qendër humbëse dhe aty ka një fitore të thellë me 223 vota nëse s’gabohem.

Kështu që këtu në Peshkopi, jam për të parë se si shkon numërimi dhe për të korrur një fitore të madhe. Unë besoj që për momentin nuk është avantazh i thellë sepse janë vetëm kutitë e para që janë hapur, por është një trend tregues që padyshim të katërta bashkitë do të jenë të udhëhequra nga kryebashkiakët socialistë. Kjo është çfarë Dibra meriton,” – u shpreh Balluku.

Për të ndjekur rezultatin në kohë reale klikoni këtu.

LEXONI GJITHASHTU:

• “1 fletë votimi me njollë”|Tensione në Durrës mes vëzhguesve dhe numëruesve
• Numërohen 3 qendra votimi në Tiranë, kush kryeson garën