Balluku: Nuk do të ketë ndërprerje të ujit

“Nuk do u ndërpresim ujin qytetarëve shqiptarë”. Kështu deklaroi ministrja e Infrastrukturës dhe Energjisë Belinda Balluku në emisionin “Now me Erla Mëhillin”.

“Nuk jemi gati të ndërpresim ujin qytetarëve shqiptarë se jemi ata që nuk po ndërpresim dritat, nuk po u shtojmë faturën e dritave, si mund të ndërpresim ujin? Por, do të rrisim performacën e ujësjellasve. Ne kemi nisur një reformë që të mirëmenaxhohen nga pushteti vendor”, u shpreh ministrja.

Ajo tha më tej se refoma në ujësjellës është e thellë dhe kërkon ndryshim të akteve ligjore dhe nënligjore.

Më herët, në një deklaratë ministrja Balluku tha se problemat me pagesat e faturave të energjisë nga ndërmarrjet e ujësjellësit, mund të shkaktonin ndërprerje të ujit në shumë fshatra dhe qytete.

LEXONI GJITHASHTU:

• Ujësjellësit 140 milionë euro fatura të papaguara të energjisë