Hyrje me pagesë në Parkun e Divjakës, banorët përplasen me policinë, shkulin traun

Banorët e Divjakës kanë dalë sot në protestë pasi kundërshtojnë vendosjen e traut në park duke detyruar çdo vizitor që të paguajë një tarifë të caktuar për të hyrë brenda tij.

Çdo vizitor detyrohet të paguajë 50 lekë të reja, ndërkohë për automjetet është vendosur një tarifë prej 150 lekësh të reja.

Protestuesit kanë shtyrë kabinën e vendosur në hyrje të parkut ku çdo person që dëshiron të futet brenda tij duhet të ndalojë për të bërë pagesën.

Ata kanë mbajtur në duar pankarta të ndryshme ku në njërën prej tyre shkruhet “Fëmijët tanë duan oksigjen”.

Protesta ka vijuar prej disa ditësh pasi qytetarët ishin lajmëruar për vendosjen e kësaj mase, ndërkohë situata është tensionuar prej ditës së mërkurë kur është vendosur edhe trau.

Policia ka krijuar kordon në aksin kryesor të rrugës në mënyrë që të shmanget bllokimi i saj nga protestuesit.

LEXONI GJITHASHTU:

• Plagosi me thikë kryebashiakun e Divjakës dhe shoferin, lihet në qeli autori
• Grabitja me armë në Divjakë, policia: Po kërkojmë autorin