Banorët e Dukagjinit në protestë, kërkohet ndërtimi i rrugës

Qindra banorë të malësisë së Dukagjinit janë mbledhur para Bashkisë së Shkodrës për të protestuar për mungesën e një rrugë që lidh mijëra banorë.

Protesta nisi me 1 minutë heshtje në nder të viktimave në rrugën e Dukagjinit.

Me pankarta në duar, më të shumtë në numër se asnjëherë më parë, malësorët dënuan mungesën e vëmendjes së shtetit prej shumë vitesh për këtë zonë duke shkaktuar shpopullimin.

Gjatësia e rrugës është 60 km dhe ndërtimi i saj do të ishte jetik për zhvillimin e dhjetra fshatrave në 3 njësi administrative.  Pushtetarët kujtohen vetëm për zgjedhje prandaj banorët thonë se protestat nuk do të ndalen.

Nga bashkia, marshimi vijoi në drejtim të prefekturës ku përmes një deklarate të unifikuar u kërkuan 3 pika kryesore, më e rëndësishmja ndërtimi i rrugës.

Në përmbyllje protestuesit marshuan në pedonale dhe u ndalën tek busti i Nënë Terezës ku ndezën qirinj në nder të viktimave që humbëm jetën në rrugët ekzistuese të Dukagjinit .

Projekti i rrugës prej viteve përflitet se ekziston dhe në çdo rast premtohet ndërtimi i saj, por deri më tani, çdo premtim ka ngel në letër dhe asnjë nismë për ndërtimin e saj nuk është ndërmarrë .

Më shumë se 100 viktima janë shkaktuar ndër vite në rrugën e Dukagjinit.

Realizimi i kësaj rruge do të mundësonte lehtësimin e rrugëve lidhëse të Alpeve Shqiptare, një nga më atraktivet malore në Evropë.

LEXONI GJITHASHTU

• Mjeku Pëllumb Pipero shtrohet me urgjencë në spital

• Makina “fluturon në ajër” djalin në Korçë, transportohet me urgjencë në spital

• U raportua si aksidentale, zbardhet ngjarja e rëndë, babai vrau djalin me çekiç