Stojan Rashkov, një banor i Koçanit, ka shprehur dhimbjen dhe shqetësimin e tij lidhur me tragjedinë që ndodhi në një diskotekë në Maqedoninë e Veriut, ku humbën jetën të paktën 51 persona dhe mbi 100 të tjerë u plagosën.

Rashkov ka përmendur se ka humbur një koleg të afërt, fotografi Aleksandar Georgiev, i cili ndodhej në mesin e viktimave. Ai ka shtuar se, për shkak të panikut dhe rrëmujës që shpërtheu në mes të natës, numri i viktimave mund të jetë shumë më i lartë se sa raportohet aktualisht.

Rashkov gjithashtu theksoi mangësitë serioze të sigurisë në objektin e diskotekës.

“Po, kam koleg të afërt fotograf në mesin e viktimave. Aleksandar Georgiev nga fshati Obleshevë, i cili bashkë me kolegun tjetër Denis Sokollovski kanë qenë në aheng. Me shumë mundësi ka humbur jetën nga rrëmuja. Për shkak se ka ndodhur rrëmujë rreth orës 02:30 nga të rinjtë e frikësuar. Diskoteka ka qenë e tejmbushur me të rinj nga e gjithë Maqedonia lindore dhe fatkeqësisht, numri i cili sillet momentalisht në opinion se kanë vdekur 59 persona, mendoj se numri do të jetë shumë më i madh sepse shumë prej prindërve nuk e dinë ku i kanë fëmijët, i kërkojnë nëpër spitale.

Diskoteka është ish-fabrikë. Nuk plotëson kurrfarë kushte për diskotekë, sepse ka vetëm një hyrje. Diskoteka ka vetëm një hyrje-dalje. Kjo është një ndër arsyet kryesore për fatkeqësinë. Gjithashtu kulmi nuk ishte qeramikë, por lesonit që digjet shpejt”, tha Rashkov.

LEXONI GJITHASHTU:

• Tragjedia në Koçan, mes viktimave drejtori i Qendrës Kulturore në Shtip
• Qeveria serbe ka shpallur të martën ditë zie për viktimat e zjarrit të Koçanit