Banori në Obotin e përmbytur: Të ketë devijim për prurjet e HEC-eve

Moti i keq ka përfshirë Shqipërinë në 48 orët e fundit, ku më problematike, situata paraqitet në qarkun e Shkodrës dhe të Lezhës.

Ekipi i Euronews Albania ishte në fshatin Obot të Shkodrës, ku pa nga afër situatën dhe e gjitha zona ishte e përmytur.

Një banor tha se banesa e tij ishte përmbytur dhe kjo situatë vijon prej vitesh.

Sipas tij, kanalizimet janë pastruar, por e vetmja zgjidhja për fshatin që të mos ketë më përmbytje, është që të ketë një devijim dhe të gjendet një rrugëdalje e re për daljen në det, për të shmangur prurjet e hidrocentraleve.

“Banor i zonës jam, banesa ka pësuar përmbytje. Varet edhe te reshjet, por u mësuam tani. Nëse vë dikush dorë për të devijuar, atëherë shpëton Oboti. Kanalizimet, i kanë pastruar, por nëse nuk bëjnë rrugëdalje tjetër për të dalë në det, nuk ka ku del. Çfarë bie nga hidrocentralet, këtu do shkojnë.

Jam infermieri i zonës. Nuk ka pasur probleme. Dalim me makinat e ushtrisë deri ku të dalim, pastaj kemi varkat, dalim edhe me varka. Shqetësohemi pasi është herët, varet nga reshjet, askush nuk e di, Nëse ka reshje, ka përmbytje, do të shohim”, theksoi ai.

LEXONI GJITHASHTU

• Ekipi i Euronews Albania në Obot të Shkodrës, gjithë zona e përmbytur

• Gruaja përlotet për shtëpinë e përmbytur: Punojmë për copën e bukës, asnjë ndihmë
• Nën ujë katet e para të banesave në zonën e ish-Kënetës në Durrës