Barcelona merr kreun e La Liga, përfiton nga ndalesa e Realit

Barcelona është ngjitur në krye të klasifikimit në kampionatin spanjoll pasi mposhti Sociedadin në shtëpi me rezultatin 2-1. Katalanasit e shfrytëzuan më së miri ndalesën që Reali i Madridit bëri në derbin me Atleticon.

1 ditë pasi Atletico i bëri dhuratë humbjen Realit të Madridit, Barcelona nuk mund të gabonte dhe mori 3 pikë shumë të rëndësishme përballë Sociedadit në shtëpi. Katalanasit e shfrytëzuan si duhet ndalesën e rivalëve nga Madridi dhe morën kreun e La Liga pas 7 javëve të luajtura. Me një dominim absolut, Barcelona ia doli të marrë fitoren e radhës në shtëpi edhe pse e nisi jo si duhet sfidën me Sociedadin.

Miqtë shënuan të parët me Odriozolën në minutën e 31’, por pjesa e parë u mbyll në barazpeshë pasi Kounde shënoi për katalanasit.

Në fraksionin e dytë ishte bomberi polak Lewandowski që shënoi golin e fitores, ndërsa shpërdoroi edhe një rast të artë për 3-1. Rezultati final 2-1 dhe Barcelona në krye të klasifikimit në Spanjë, për herë të parë këtë sezon.

Të shtunën ishte Atletico që mposhti me rezultatin e thellë Realin në derbi, duke i dhënë një shuplakë të fortë Xabi Alonsos që pësoi plot 5 herë. Lojtari i ndeshjes për los colchoneros ishte Alvarez me dy gola, ndërsa sfida përfundoi 5-2. Aktualisht Atletico renditet i pesti me 12 pikë.

LEXONI GJITHASHTU:

• Crystal Palace i shkakton humbjen e parë Liverpoolit, Chelsea dhe United në krizë
• VIDEO/ Atletico Madrid turpëron Realin me pesë gola, fitore historike pas 75 vitesh