Crystal Palace i shkakton humbjen e parë Liverpoolit, Chelsea dhe United në krizë

Crystal Palace mund të konsiderohet “mace e zezë” për Liverpoolin, pasi është skuadra e vetme këtë sezon që i ka shkaktuar një humbje kampionëve në fuqi.

Ashtu si në Superkupë, Palace doli me kokë lart në përballjen ndaj një prej ekipeve më komplekse të Anglisë ndërsa Liverpool vinte si favorit i padiskutueshëm.

Vendësit, të udhëhequr nga Glasner, nisën përballjen e javës së e 6-të në mënyrën më të mirë, duke kaluar në avantazh shpejt me golin e Sar-it.

Mbajtën rezultatin deri në minutën e 87’, kur italiani Chiesa barazoi për “të kuqtë”. Kur mendohej se do të ndahej barazimi, Nketiah shënoi në kohën shtesë dhe siguroi tre pikët për Palace, që përkohësisht ngjitet në vendin e dytë.

Një e shtunë e vështirë ishte edhe për Chelsean dhe Manchester United. Chelsea humbi 1–3 ndaj Brighton, ndërsa “Djajtë e Kuq” nën drejtimin e Ruben Amorim pësuan një humbje po me 1–3 nga Brentford, duke konfirmuar krizën.

Manchester City regjistroi fitoren e tretë në kampionat me një rezultat të thellë, 5–1 ndaj Burnley-t. Sunderland mori tri pikë në transfertë ndaj Nottingham Forest, dhe përballja Tottenham – Wolves u mbyll në barazim 1–1.

LEXONI GJITHASHTU:

• VIDEO/ Atletico Madrid turpëron Realin me pesë gola, fitore historike pas 75 vitesh
• Kupa e Ligës në Angli: Liverpool e Chelsea avancojnë më tej, eliminohet Broja