Bardhi dhe Gjekmarkaj nënkryetarë të “Rithemelimit”, Iljazaj: Pse i zgjodhi Berisha

Gazetari Ervis Iljazaj tha në “Now me Erla Mëhillin” se Gazment Bardhi dhe Agron Gjekmarkaj nuk janë zgjedhur me vota si nënkryetarë të “Rithemelimit”, por janë zgjedhur nga Sali Berisha.

Sipas tij kjo është një marrëveshje politike e të dyja palëve pasi edhe Gazment Bardhit dhe Agron Gjekmarkaj, sipas Iljazajt, mund të përfitojnë më tepër vota në krahun e Berishës.

“Unë besoj se nëse do të hidhej në votim është e vështirë që zoti Gjekmarkaj dhe zoti Bardhi të zgjidheshin nënkryetar të Rithemelimit. Jam i sigurt që nuk do të zgjidheshin.

Unë këtë e shikoj si marrëveshje politike. Zoti Berisha ka përdorur protagonizmin publik të këtyre dy deputetëve për betejën e tij politike dhe këta deputetë po përdorin popullaritetin e zotit Berisha dhe votat e zotit Berisha për karrierën e tyre politike.

Në këtë kuptim është një marrëveshje për të mirën e dy palëve. Është e qartë që aty vota ka vetëm Sali Berisha, asnjë tjetër. Humbën dy vite kot të asaj partie, nuk e kuptoj kauzën pse u ndan dhe u bashkuan prap. Arsyeja e vetme është se andej është shumica, nuk ka bashkim mbi vlera. Aty ku është shumica ka më shumë mundësi për karrierë politike”,-tha Iljazaj në Euronews Albania.

LEXONI GJITHASHTU:

• Ndryshimet te Rithemelimi/ Flet anëtari i Këshillit: Koha të tregojnë vlerat
• Grupi i Bardhit në kryesinë e Rithemelimit? Vendimi i kalon Këshillit Kombëtar