Bardhi: Dua interpelancë me Ramën, hetimi për ‘Xibrakën’ të jetë i plotë

Gazment Bardhi në një deklaratë për mediat është shprehur se ka thirrur kreun e qeverisë Edi Rama në interperlancë në lidhje me çështjen e “Xibrakës”, ku sipas Bardhit, i përfshirë është dhe vëllai i kreut të qeverisë së vendit tonë.

Ai theksoi se do të dijë nëse Rama ka marrë informacion nga policia e shtetit për përfshirjen e vëllait të tij në laboratorin e drogës.

Mes tjerash ai nënvizoi se për këtë çështje hetimi duhet të jetë i plotë.

“Unë Ramën e kam thirr në interperlancë për të informuar opinionin publik, nëse nga policia e shtetit, apo shërbimet sekrete, shqiptare apo të huaja, ka marrë apo jo informacion përfshirjen e vëllait të tij në laboratorin e drogës në Xibrakë apo për shoqërimin e vëllait të tij, me personat kyç të përfshirë të arrestuar në laboratorin e Xibrakës. Kjo është një çështje e drejtësisë, dënimi apo fajësia e një personi që kryen një krim. Këtë e kam denoncuar me dokumente. Ai denoncim i imi është shoqëruar me thirrjen për drejtuesin e prokurorisë për të rihapur procedimin penal. Hetimi për laboratorin e Xibrakës të jetë i plotë dhe t’i shkohet deri në fund”-tha ai.

LEXONI GJITHASHTU: 

• U mund thellë nga Zelensky në 2019, Poroshenko: Do kandidoj sërish për president
• Teknologjia e re| Përfitojnë lojtarët e mijëra shërbime, testuar nga Vodafone&Nokia