Bardhi: Flamur Noka mik me oligarkun e madh, ja pse nuk flet

Deputeti i Partisë Demokratike, Gazment Bardhi tha në “Now me Erla Mëhillin” se Flamur Noka mund të ketë vetë lidhje me oligarkët.

Më herët Noka akzoi Bashën dhe Bardhin për lidhje me oligarkët, duke thënë se ka qenë vetë prezent për të dëshmuar diçka të tillë, gjë që sipas Bardhit vërteton se ai vetë i ka këto lidhje.

“Fakti që nuk i përmendin dot oligarkët, fakti që janë borxhli tyre apo të lidhur me ta nuk do të duhet të bëjë të hedhësh baltë mbi tjetrin,” – u shpreh deputeti.

Bardhi tha se nuk ka asgjë më të shenjtë se integriteti i tij dhe nuk është peng i asnjë biznesmeni apo krimineli.

“Zotërisë i kam thënë në një mbledhje grupi parlamentar se nëse do të bësh debat se kush është i shitur tek Edi Rama dhe kush është i blerë nga Edi Rama hajde ulemi këtu në format grupi parlamentar, ftojmë dhe mediat të vijnë dhe ta bëjmë me transparencë këtë debat sepse unë nuk kam asgjë për të fshehur,” – deklaroi ai.

LEXONI GJITHASHTU:

• A do krijojë Basha parti të re? Flet Gazment Bardhi
• Asimilimi i demokratëve? Bardhi flet për skemën që mund të bashkojë PD-në
• Bardhi sulmon Berishën: S’e njoh si kryetar, me të nuk mundet Rama