Bardhi thirret në SPAK për “Xibrakën”, reagon Rama: Drejtësia vepron me ligje

“Fjalët i merr era, drejtësia vepron me ligje”, shkruan Kryeministri Edi Rama në “X”. Ai ka reaguar në “X” në lidhje me një lajm të mëparshëm ku kreu i grupit parlamentar të Partisë Demokratike, Gazment Bardhi ka bërë me dije se pas denoncimit të bërë prej tij kanë filluar hetimet e pezulluara për dosjen “Xibraka”.

Bardhi tha se ai është thirrur të dëshmojë në SPAK lidhur me çështjen duke shtuar se se propaganda e kryeministrit Edi Rama nuk e fsheh dot të vërtetën për përfshirjen e vëllait të tij, Olsit, në trafikun e drogës.

Lidhur me këtë kryeministri u shpreh duke shkruar se “ose trafikantit duhet t’i hiqet menjëherë liria, o gojës së madhe i duhet vënë proteza e ligjit! Ka vetëm një të vërtetë në këtë mes dhe s’ka asnjë rrugë të mesme”.

Postimi i plotë:

“Llafet i merr era, ndërsa drejtësia vepron vetëm me ligje e me prova, prandaj tani pas llafeve të mëdha edhe një detaj i vogël mungon dhe pastaj jemi krejt në rregull! Pra mungon konfirmimi në dëshminë ligjore para SPAK-ut nga vetë B-ja i vogël me gojën e madhe, se kur ka shkruar “Informacion” në fakt kallëzuesi i rremë nuk ka dashur t’ia hedhë me procedurë rrezikut që vjen nga marrja si i pandehur për kallëzim të rremë, po thjesht ka pasur një moment lajthitje profesionale. Në rast se plotësohet kjo mungesë domethënëse për fatin e të vërtetës, atëherë SPAK-u ka të gjithë mundësinë ta ndajë të vërtetën nga shpifja dhe viktimën nga fajtori. Pra o B-ja e vogël ka zbuluar një trafikant droge në rrethin tim të ngushtë familjar dhe trafikantit duhet t’i hiqet menjëherë liria, o gojës së madhe i duhet vënë proteza e ligjit! Ka vetëm një të vërtetë në këtë mes dhe s’ka asnjë rrugë të mesme”,-shkruan kryeministri.

Llafet i merr era, ndërsa drejtësia vepron vetëm me ligje e me prova, prandaj tani pas llafeve të mëdha edhe një detaj i vogël mungon dhe pastaj jemi krejt në rregull!

Pra mungon konfirmimi në dëshminë ligjore para SPAK-ut nga vetë B-ja i vogël me gojën e madhe, se kur ka…

— Edi Rama (@ediramaal) May 8, 2024

LEXONI GJITHASHTU:

• Bardhi nxjerr dokumentin: SPAK filloi hetimet për Xibrakën, jam thirrur të dëshmoj
• Gjykata rrëzon kërkesën e Bardhit për të çregjistruar Bashën si kryetar i PD