Basha: Baza e Kuçovës, lajm i mirë jo vetëm për Shqipërinë, por gjithë rajonin

Kreu i Partisë Demokratike Lulzim Basha e cilësoi lajm të mirë për Shqipërinë dhe rajonin hapjen e bazës ushtarake të NATO-s në Kuçovë.

Përmes një postimi në faqen e vet në Facebook Basha shprehet se anëtarësimi i Shqipërisë në NATO 15 vjet më parë ishte një nga arritjet më të mëdha të shqiptarëve.

“Sot falë mbështetjes së Aleancës më të madhe të sigurisë u hap baza ajrore e NATO-s në Kuçovë. Ky është një lajm i mirë jo vetëm për Shqipërinë, por për sigurinë e të gjithë rajonit në një kohe të trazuar dhe të kërcënuar nga përpjekjet e Rusisë për të krijuar vatra te reja konflikti në Ballkanin Perëndimor. Mirënjohje NATO-s, SHBA, Turqisë, Italisë, Gjermanisë, Britanisë së Madhe  dhe aleatëve të tjerë për ndihmën dhe mbështetjen për paqe dhe siguri në Ballkanin Perëndimor”, shprehet Basha.

LEXONI GJITHASHTU:

• VIDEO| Avionët EuroFighter F-2000 dhurojnë spektakël në bazën ajrore të Kuçovës
• Begaj nga baza e Kuçovës: Të gatshëm të mbrojmë veten dhe të ndihmojmë NATO-n