‘Basha duhet të kërkojë ndjesë që mbajti Berishën’, thotë anëtarja e Kryesisë së PD

Anëtarja e Kryesisë së Partisë Demokratike, Taulanda Jupi thotë se Basha do të duhet t’u kërkojë ndjesë shqiptarëve që ka kandiduar Berishën për deputet gjatë 8 viteve në opozitë.

Jupi u shpreh gjatë emisionin “Now” të gazetares Erla Mëhilli se situata do të ishte ndryshe nëse kreu i PD do të kishte vepruar në këtë mënyrë.

“Berisha gjithmonë ka qenë në hije në PD. Defakto ai ka qenë gjithmonë në hije në drejtimin e PD. Basha do të duhet t’u kërkojë ndjesë shqiptarëve për këtë”, tha anëtarja e Kryesisë së PD.

Azmi Stringa, pedagog thotë se këtë shans Bashës për të larguar Berishën ia dha SHBA dhe kreu i PD “e kapi momentin”.