Basha: Marrëveshja Rama-Berisha për mbylljen e listave, atentat ndaj demokracisë

“Demokratët Euroatlantikë” zhvilluan sot një tryezë me partitë politike dhe këshilltarët bashkiakë të forcave të Harkut Opozitar Euroatlantikë.

Ish-kryedemokrati, Lulzim Basha, në fjalën e tij e cilësoi marrëveshjen Rama-Berisha për mbylljen e listave si një atentat ndaj demokracisë shqiptare.

Basha tha se ata që e kanë akuzuar  si bashkëpunëtor të qeverisë Rama, për të janë jo vetëm ortakët e tyre në oligarkë të përbashkët, por tashmë dhe ortak të përbashkët për të shkrirë praktikisht në një Partinë Socialiste dhe Rithemelimin.

Pjesë nga fjala e Bashës:

“Atentati ndaj demokracisë shqiptare, i cili është konkluduar ditën e djeshme, do të bëjë pikërisht këtë, të rimbyll listat e hapura me vendimin e Gjykatës Kushtetuese. Këtë tashmë prej 24 orësh e ka marrë vesh i madh e i vogël.

Ata që na kanë akuzuar se pa reshtur si bashkëpunëtorë të qeverisjes më të korruptuar të këtyre 34 viteve, janë jo vetëm ortakët e tyre në kulla ndërtimi, jo vetëm ortakët e tyre në oligarkë të përbashkët, jo vetëm ortakët e tyre në media, jo vetëm ortakët e tyre në korrupsion dhe lirimin e të korruptuarve, por tashmë dhe ortak të përbashkët për të shkrirë praktikisht në një Partinë Socialiste të Shqipërisë dhe Rithemelimin, pra për t’i rikthyer në pikën fillestare para bing bengut të Katovicës, para se Ramiz Alia t’i ndante këtej oficerët e sigurimit dhe këtej spiunët e sigurimit.”

LEXONI GJITHASHTU:

• A do t’i votojë ndryshimet për listat zgjedhore? Ja si përgjigjet Fatmir Mediu
• Çfarë po tenton të bëjë PS me herësin 7000 vota? Logu: Listat janë 100% të hapura