A do t’i votojë ndryshimet për listat zgjedhore? Ja si përgjigjet Fatmir Mediu

Kryetari i Partisë Republikane, Fatmir Mediu ka shprehur qëndrimin e tij në një lidhje të drejtpërdrejt në Euronews Now për ndryshimet e Kodit Zgjedhor, konkretisht për listat.

Sipas Mediut, e rëndësishme ishte që përmes kësaj reforme të mbroheshin zgjedhjet e ndershme dhe të lira, që paramisht në këndvështrimin e tij kjo gjë nuk u bë nga deputetët.

“Unë do votoj kundër, do votoj vetëm për pikën për qytetarët e diasporës. E rëndësishme është që ne në reformën zgjedhore të mbronim interesat e zgjedhjeve të ndershme e të lira për parlamentarizmin shqiptar. Unë nuk kam bindjen që nuk kemi bërë atë gjë që duhej.”-tha ai.

Gjithashtu kreu i Partisë Republikane tha se me ndarjen e listave, ku 1/3 mbetet e mbyllur, kurse 2/3 e hapur, përsëri fuqinë e ka kryetari i partisë, që për interesa të ndryshme zgjedh të vendosë kandidatë të caktuar në krye të listës.

“Unë besoj tek perëndia, jo tek liderët apo uhdhëheqësit e partisë.Lideri i partisë është njeri i gabueshëm dhe çdo udhëheqës partie ka interesat e veta. Gjithashtu edhe çdo kandidat partie ka interesat e veta. Kurse interesat e një shoqërie përfaqësohen nga konkurimi, nga gara mes kandidatëve.”-tha Mediu.

LEXONI GJITHASHTU:

• Kërkuan lista të hapura, deputetët shprehen kundër marrëveshjes një ditë më pas
• Ndryshimet në Kodin Zgjedhor, Bylykbashi: Vota e emigrantëve, sukses i madh për PD