Basha në Dibër: Demokratët bashkohen përmes vlerave, t’u kthejmë vendimarrjen

Ish-kreu i Partisë Demokratike Lulzim Basha ka shpërndarë një status në Facebook, lidhur takimin që ai ka zhvilluar në Dibër. Basha shkruan se me qendrestarët e Partisë Demokratike në Dibër, kanë diskutuar për çështjet të cilët kërkojnë një vendimmarrje të rëndësishme për të ardhmen e PD.

Ai shtoi se Demokratët do të bashkohen përmes vlerave, duke lënë pas mendësinë konfliktuale dhe ndasitë artificiale të shkaktuara nga interesi personal i një individi që për hallin personal ndezi zjarrin e ndasisë brenda familjes së përbashkët politike të demokratëve.

“Me demokratët dhe qendrestarët e Partisë Demokratike të Dibrës diskutuam hapur mbi të gjitha çështjet që kërkojnë vendimmarrje të rëndësishme për të ardhmen e forcës sonë politike dhe të Shqipërisë.

Demokratët do të bashkohen përmes vlerave, duke lënë pasë mendësinë konfliktuale dhe ndasitë artificiale të shkaktuara nga interesi personal i një individi që për hallin personal ndezi zjarrin e ndasisë brenda familjes tonë politike.

Që Partia Demokratike të kthehet pranë qytetarëve, të dëgjojë ata dhe të ofrojë një alternativë për problemet e tyre, duhet të shkëputet nga teatri shterp i politikës, që asgjë të mirë nuk sjellë për jetët e njerëzve.

Partia më e madhe e 14 majit ishte ajo e shumicës së heshtur që refuzoi të zgjedhë midis dy të këqijave. Ne duhet të shtrijmë dorën e bashkëpunimit ndaj kujtdo që është gati për të ndryshuar nga themelet sistemin politik, për të kthyer vendimmarrjen te qytetarët nëpërmjet listave të hapura, Vetting-ut të politikanëve, kufizim të mandatit të kryeministrit dhe garantimin e votës së diasporës”,-shkruan Lulzim Basha.

LEXONI GJITHASHTU:

• Akuzohet për vrasjen e babë e bir, kush është 44-vjeçari i ekstraduar nga Greqia
• Kushtetuesja rrëzon kërkesën për shqfuqizimin e VKM-së për ndërtimet pa leje