Basha në mbledhjen e grupit: I hapur për çdo zgjidhje për të mirën e partisë

“I hapur për çdo zgjidhje dhe çdo hap për të mirën e PD, edhe të atyre që na votuan, edhe të atyre që nuk dolën fare me zgjedhje”.

Kështu ka deklaruar kryetari i Partisë Demokratike, Lulzim Basha në mbledhjen e sotme të Grupit Parlamentar.

“Shpreh gatishmërinë time për të ndërmarrë gjithçka, çdo hap që i shërben partisë. Pa përjashtim. Të ofrojmë zgjidhje për situatën dhe që i shërben PD-së dhe jo interesave personale. Unë jam i hapur për çdo zgjidhje që i shërben demokratëve, të gjithë demokratëve pavarësisht se për cilin kandidat votuan. Duhet të kalojmë vetveten, të shtyjmë për një zgjidhje”, u shpreh Basha.

Kryedemokrati nënvizoi se duhet të kenë një qëndrim të përbashkët të të gjitha strukturave të PD për të gjetur zgjidhje.

“Çdo zgjidhje që përjashton çdo grupim demokratesh nuk i shërben zgjidhjes. Në kuadër të kësaj jam gati të ndërmarr çdo veprim që i shërben PD”, deklaron ai.