Basha nis takimet, Berisha: Të sqarojë çështjen e parave ruse

Fati i Partisë Demokratike prej 7 muajsh vijon të mbetet peng i një vendimi të Gjykatës se Apelit se cilin statut do të njohë, atë të 11 dhjetorit apo atë 18 dhjetorit 2021.

Përballë kësaj situatë, dy deputetë të Partisë Demokratike në mbledhjen e grupit parlamentar këtë të hënë kërkuan që palët të ushtrojnë presion te gjykata për të dalë me një vendim, pasi kjo zvarritje nuk bën gjë tjetër veçse e dëmton opozitën për zgjedhjet e ardhshme lokale.

Ndërkohë, kur kërkohet zgjidhje e situatës ligjore të Partisë Demokratike, në fundjavë ish-kryedemokrati Lulzim Basha ka zhvilluar një takim me deputetë demokratë dhe funksionarë të partisë që nuk e njohin Sali Berishën si kryetar partie.

Për këto takime, Sali Berisha nuk shprehu asnjë shqetësim, por për Bashën kishte vetëm një thirrje.

Aktualisht, përplasjet në Partinë Demokratike e kanë ndarë më dysh grupin parlamentar, ku 22 deputetë mbështesin Berishën dhe pjesa tjetër nuk e njohin atë si kryetar partie.

LEXONI GJITHASHTU

• Zgjedhjet lokale, Berisha: Mbështes propozimin për kandidatë të përbashkët
• Berisha: Veliaj presion Ramës për ta rikonfirmuar si kandidat në zgjedhjet lokale
• Miq dhe armiq, ‘romanca’ e vështirë politike Meta-Berisha në 22 vjet