Basha takime në Tiranë: Të ardhurat e shqiptarëve, më të ulëtat në Evropë

Kryetari i Partisë Demokratike, Lulzim Basha, gjatë takimeve në degën 4 në Tiranë, pati një ndalesë në zonën pranë shkollës “Bajram Curri”, ku bisedoi me banorë të kësaj lagjeje.

Përmes një postimi në facebook, Basha shkruan se të ardhurat e shqiptarëve në raport me çmime janë më të ulëtat në Europë, ndërkohë që korrupsioni është më i larti.

Ai shton se sot Shqipëria ka nevojë për një qeveri që të mund të shndërrojë potencialin e vendit në të mirë të qytetarëve të vetë.

“Me banorët pranë shkollës “Bajram Curri”, për të dëgjuar zërin e tyre, shqetësimet por dhe idetë që ata kanë për te dalë nga kjo situatë e vështirë ekonomike.

Sot, të ardhurat e shumicës së shqiptarëve në raport me çmimet, janë më të ulëtat në Europë, sepse fatkeqësisht korrupsioni në Shqipëri është në nivelet më të larta.

Shqipëria ka një potencial të jashtëzakonshëm, thjesht duhet ta shndërrojmë në të mirë të qytetarëve dhe jo të një grupi njerëzish të lidhur me pushtetarët”, – shkruan kreu demokrat.

LEXONI GJITHASHTU:

• Basha takime në Shkodër: T’u shërbejmë qytetarëve, kjo është politika jonë
• Basha pret reporterët e KiE: Qytetarët të zgjedhin deputetin dhe presidentin
• Kryesia e Partisë Demokratike përjashton 11 deputetë (Emrat)