Basha tregon arsyen pse s’mori pjesë në mbledhjen e grupit të PD-së

Ish-kryetari i Partisë Demokratike, Lulzim Basha shprehet se po punon që PD të jetë e bashkuar dhe të kthehet në një alternativë për qytetarët.

“Unë do të punoj për një Parti Demokratike të bashkuar, mbi vlerat për të cilat është themeluar, që të jetë alternativë për njerëzit. Që të jetë alternativë për njerëzit, që të punojë për njerëzit dhe të kalojë interesat personale, për të cilat kam vendosur të marrë vendimin e dorëheqjes nga kryetari i PD-së, por jo të heqë dorë nga përgjegjësia ime ndaj demokratëve dhe shqiptarëve”, u shpreh Basha.

Gjatë fjalës së tij jashtë Kuvendit, deputeti nënvizoi se kjo alternativë e re “nuk mund të jetë në kundërthënie me aleatët tanë strategjikë”.

Basha tregoi edhe arsyen pse nuk mori pjesë në mbledhjen e sotme të Grupit Parlamentar, ku nënvizoi se duhet të diskutohet lirisht dhe jo nën presion.

“Sa herë që t’i shërbejë Grupit Parlamentar të PD-së dhe jo kur i shërben presionit të drejtëpërdrejt apo indirekt. Një nga arsyet e aktit tim ka qenë tejkalimi i interesave personale për t’i dhënë mundësinë të gjithë demokratëve që kenë mundësinë lirisht të diskutojnë dhe vendosin dhe jo nën presion. Kjo ka qenë arsyeja sepse sot për t’i dhënë mundësinë për të diskutuar lirisht dhe ajo ashtu siç ndodhi, vendosa të mos isha në mbledhje”, tha Basha.

LEXONI GJITHASHTU:

• Berisha largohet nga seanca parlamentare, dënon sjelljen e Ramës
• Familjet e pasura mund të paguajnë më shumë për energjinë, paralajmëron Rama
• Rama e krahason krizën me situatën e vështirë në vitin 1974