“Bashkëpunim korrekt”, Kurti uron Bedri Hamzën për zgjedhjen në krye të PD

Kryeministri në detyrë, njëherësh kryetar i Lëvizjes Vetëvendosje, Albin Kurti, ka uruar Bedri Hamzën për zgjedhjen e tij si kreu i PD në Kosovë.

Nëpërmjet një postimi në facebook, Kurti shpreh angazhimin e tij për bashkëpunim politik në interes të qytetarëve.

“I shpreh urimet e mia z. Bedri Hamzës për zgjedhjen e tij në detyrën e kryetarit të Partisë Demokratike të Kosovës.

Proceset zgjedhore brenda partisë, por edhe bashkëpunimi i ndërsjelltë i spektrit të gjerë politik, çdo herë në të mirë të interesit publik, janë parime themelore për funksionimin dhe avancimin e shtetit tonë.

Nga ana ime, do të vazhdoj angazhimin për bashkëpunim korrekt, në përputhje me vullnetin e qytetarëve, dhe me përgjegjësitë që na i kërkon shërbimi ndaj Republikës”, shkruan Albin Kurti.

LEXONI GJITHASHTU:

• Prishtina anullon procesin mësimor, vendi përballet me përmbytje
• “Millosheviçi ishte dinak”, Clark dëshmon në Hagë: UÇK nuk ka kryer spastrim etnik