Bashkëpunimi Kosovë-SHBA, James O’Brien takon ministren Gërvalla në Uashington

Ministrja e Jashtme, Donika Gërvalla, është pritur në takim nga Ndihmëssekretari i Byrosë për Çështje Evropiane dhe Euroaziatike i Departamentit të Shtetit Amerikan, James O’Brien.

Takimi u zhvillua në Shtetet e Bashkuara të Amerikës, atje ku zëvendëskryeministrja po qëndron për vizitë zyrtare. Në mesin e pikave të cilat u trajtuan gjatë takimit ishte edhe anëtarësimi i Kosovës në organizata ndërkombëtare.

“Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë dhe jetësimit të aspiratave për anëtarësimin e Republikës së Kosovës në organizata ndërkombëtare”, shkruan në njoftimin e ministrisë së jashtme të Kosovës.

Gjatë takimit u diskutua edhe për përkushtimin e institucioneve në ruajtjen e paqes dhe stabilitetit në vend.

LEXONI GJITHASHTU:

• SHBA-ja, BE-ja dhe Britania thonë se “ndarja” në Bosnje është e pamundur
• Arian Çani: Shqipëria është koloni e SHBA, Berisha dhuratë për Ramën