Bashkitë kanë 5.5 mld lekë borxhe, rriten detyrimet e prapambetura

Bashkitë në Shqipëri kanë 5.5 mld lekë borxhe të pashlyera për biznesin dhe qytetarët. Borxhet janë rritur me 700 mln lekë në fillim të vitit.

Tabela e Ministrisë së Financave tregon se në fund të marsit 2024, pushteti vendor kishte një stok borxhi të papaguar ndaj bizneseve dhe qytetarëve, në vlerën e 5.5 miliardë lekëve. Nga këto, 2.8 mld janë detyrimet për firmat që kryejnë investime publike, 390 mln lekë për punonjësit e larguar padrejtësisht nga puna, të cilat kanë fituar gjyqe për këtë arsye dhe 1.2 mld për shpenzime të tjera, si miërmbatje, mallra e sigurime shoqërore.

Bashkia Tiranë është ajo që kryeson listën, me 1.17 mld lekë borxhe, ndjekur nga Kavaja Durrësi, Vorë dhe Lezha. Pjesa me e madhe e stokut të borxhit në këto bashki është për investime, ndërsa vihet re, se në raport me fundin e vitit 2023, këto bashki nuk kanë mundur ta ulin këtë borxh.

Nga ana tjetër, ka edhe bashki, si Korça, Kolonja, Hasi e Pusteci, të cilat i shlyejnë detyrimet në kohë dhe në këtë periudhë kanë një stok të papërfillshëm.

Të dhënat e Ministrisë së Financave, tregojnë se  gjatë viteve të fundit, pavarësisht nga luhatjet mujore, pushteti vendor ka përparuar në drejtim të uljes së stokut të detyrimeve të prapambetura.

Bashkia Tiranë është ajo që kryeson listën, me 1.17 mld lekë borxhe, ndjekur nga Kavaja me 818 milionë lekë borxhe, më pas renditet bashkia Durrës, detyrimet e secilës regjistrohen në 421 milionë lekë, Bashkia Vorë me 363 milionë lekë dhe Lezhë me 334 milionë lekë.

LEXONI GJITHASHTU:

• Spitali i Gramshit pa mjekë. Mungojnë specialistët, qytetarët nuk marrin shërbim
• MSH ndan këshillat dhe simptomat për “Ethet e Nilit”: Çfarë duhet të dini