SHBA dhe BE mbështesin zgjatjen e Vetingut

Shtetet e Bashkuara të Amerikës dhe Bashkimi Evropian mbështesin zgjatjen e mandatit për organet e Vetingut në Shqipëri.

Këtë e bëri të ditur ambasadorja amerikane Yuri Kim, e cila publikoi një deklaratë të përbashkët për shtyp të Delegacionit të BE dhe Ambasadës së SHBA në vend.

Në deklaratë thuhet se reforma në drejtësi po jep rezultate dhe Vetingu luan një rol kryesor në këtë reformë. Për këtë arsye, zgjatja e Vetingut është e nevojshme sipas përfaqësuesve të BE dhe SHBA në Shqipëri.

The amendment to extend vetting comes before Parliament. Some have misunderstood or misrepresented it as a partisan issue or a trick. In fact, it’s an important decision that transcends everyday politics. We hope MPs will put aside politics & vote for 🇦🇱 in🇪🇺. We are with you. pic.twitter.com/iv70Sr4ufz

— Ambassador Yuri Kim (@USAmbAlbania) February 10, 2022

Sot në Kuvend votohet për ndryshimet kushtetuese për zgjatjen e afateve të Vetingut.

Edhe Partia Demokratike ka vendosur të votojë në Parlament pro shtyrjes së afateve për organet e Vetingut.