BE: Mbështesim aktivitetet për kontrollin e armëve në Ballkanin Perëndimor

Në Bruksel po zhvillohet një takimi për kontrollin e armëve të zjarrit në rajonin e Ballkanit Perëndimor dhe parandalimin e trafikimit të tyre.

Duke folur në këtë takim, përfaqësuesi i lartë i Bashkimit Evropian për politikë të jashtme dhe siguri, Josep Borrell, ka tërhequr vërejtjen se rreziku nga këto armë nuk është vëtëm në teori, por i vërtetë.

Borrell, duke iu referuar rasteve të vrasjeve në Serbi, tha se është e gabuar të mendohet se gjëra të tilla nuk mund të ndodhin në Evropë sepse, siç tha ai, ato po ndodhin.

“Në mënyrë që rastet e tilla të nodhin, kryesit e veprimit duhet të kenë qasje në armë, që bën që kjo konferencë të tërheqë edhe më shumë vëmendje dhe interes. Sepse rastet e tilla dramatike na rikujtojnë se sa e rëndësishme është që të punojmë së bashku për të luftuar trafikimin e armëve të lehta”, tha Borrell.

Ai nënvizoi se është detyrë e të gjithëve që ta bëjnë Evropën më të sigurt në këtë kohë sfidash.

Përfaqësuesi i lartë i BE-së ka përshëndetur edhe fushatën e mbledhjes së armëve që ka nisur Qeveria e Serbisë pas rasteve tragjike, dhe tha se BE-ja e mbështet këtë fushatë.

LEXONI GJITHASHTU:

• Zgjedhjet| Raporti paraprak i OSBE-ODHIR: Ishin përgjithësisht të mirëadministruara
• Humbi garën për kryebashkiakt, PS fiton Këshillin Bashkiak në këtë bashki