BE miraton sot paketën e 17-të të sanksioneve kundër Rusisë

Ministri i Jashtëm i Estonisë, Margus Tsahkna, njoftoi ditën e sotme të 20 majit se Bashkimi Evropian do të miratojë paketën e 17-të të sanksioneve kundër Rusisë, e cila do të fokusohet në flotën e Rusisë në hije dhe të ardhurat nga energjia.

Kjo paketë e re është një tjetër hap në përpjekjet e BE për të shtuar presionin ndaj Moskës për shkak të agresionit të vazhdueshëm në Ukrainë.

Sipas Tsahkna, Rusia nuk ka ndryshuar qëllimet e saj, duke vazhduar sulmet ndaj Ukrainës dhe duke refuzuar propozimet për armëpushim. Ai theksoi se presidenti rus Vladimir Putin nuk do të ndalet deri sa “çmimi” i agresionit të bëhet i padurueshëm.

Ministri i Jashtëm i Estonisë shtoi gjithashtu se shteti i tij mbështet fuqimisht pavarësinë, sovranitetin dhe integritetin territorial të Ukrainës, duke e bërë të qartë angazhimin e Estonisë për të qëndruar pranë Kievit në këtë periudhë të vështirë.

Në të njëjtën kohë, Tsahkna bëri të ditur se paketa e 18-të e sanksioneve është tashmë në proces, duke treguar vazhdimësinë e përpjekjeve të BE për të izoluar dhe ndëshkuar Rusinë për veprimet e saj.

LEXONI GJITHASHTU:

• OKB paralajmëron: 14,000 foshnje mund të vdesin në Gaza në 48 orë pa ndihmë
• Netanyahu reagon ashpër pas kritikave të Britanisë, Francës dhe Kanadasë