Shefi i politikës së jashtme të Bashkimit Evropian, Josep Borell, i ka hequr Hungarisë të drejtën për të pritur takimin e ardhshëm të ministrave të jashtëm dhe të mbrojtjes për qëndrimin e saj ndaj luftës në Ukrainë.

Kjo vjen disa javë pasi Hungaria mori presidencën e rradhës të Këshillit të Bashkimit Evropian, një rol në të cilin normalisht do të priste ngjarjen, dhe mes zemërimit për një takim që kryeministri Viktor Orban zhvilloi me presidentin rus Vladimir Putin në Moskë në fillim të këtij muaji.

Borrell tha se veprimet e Hungarisë duhet të kenë pasoja dhe se “ne duhet të dërgojmë një sinjal, edhe nëse është një sinjal simbolik”.

Çdo gjashtë muaj, nën çdo presidencë të re të këshillit, ministrat e jashtëm dhe të mbrojtjes të BE-së mbajnë takime jozyrtare për të diskutuar çështjet më të mëdha globale me të cilat përballet blloku.

Takimi i Orban me Putin erdhi si pjesë e atij që ai e përshkroi si një “mision paqeje” – i nisur disa ditë pasi Hungaria mori presidencën e Këshillit – që e pa atë gjithashtu duke vizituar liderët e Ukrainës dhe Kinës, si dhe kandidatin republikan presidencial Donald Trump në Shtetet e Bashkuara.

Udhëtimi shkaktoi dënime nga udhëheqësit në të gjithë BE-në, me shefen e Komisionit Evropian Ursula von der Leyen që e përshkroi atë si “asgjë veçse një mision qetësimi”.

LEXONI GJITHASHTU:

• Zelensky akuzon Viktor Orban për tradhti ndaj Evropës në takimin e liderëve
• Aleati i Putin në Kiev, Viktor Orban takon Zelenskyn, diskutohet perspektiva e paqes