“BE po avantazhon Serbinë në këtë moment”, deklarata e fortë e Nurellarit

Analisti Adri Nurellari është shprehur se ndërkombëtarët kanë ndryshuar qëndrim në lidhje me marrëveshjen.

Në një intervistë për Euronews Albania, ai tha se ndërkombëtarët kanë parë një qeveri të papërgjegjshme ndërsa ka fajësuar Kurtin për tensionet e krijuara në Veri të Kosovës.

Sipas tij Serbia është tashmë pala e rëndësishme për Perëndimin.

“Qëndrimi i partnerëve ndërkombëtar ka qenë që të sigurojë një marrëveshje finale që siguron njohjen. Qëndrimi i partnerëve ndërkombëtar është ndryshuar në mënyrë radikale sepse kanë parë një qeveri kosovare të papërgjegjshme. Ka qenë Kurti që është tallur me negociatat. Kurti e ka çuar situatën deri në tensione në veri të Kosovës.

Kurti shkaktoi tensione që bëri që partnerët ndërkombëtarë të ndryshojnë qëndrim ndaj Kosovës. Partnerët ndërkombëtar nuk po bëjnë presion për njohje po  vetëm që të ketë një dialog. Ndërkohë Serbia gradualisht është duke u dakorduar me qëndrimet perëndimore të Perëndimit. Serbia është tashmë pala më interesante për Perëndimin. Kosova ka humbur një opurnitet shumë të madh”- theksoi ai.

LEXONI GJITHASHTU: 

• Droga vinte nga Shqipëria, sekuestrohen 67 kg marijuanë në Igumenicë
• “Asnjë taksë për ato deri në 50 mijë lekë”, Rama: Në 2025 paga minimale 45 mijë lekë