BE premton 500 milionë euro ndihmë ushtarake shtesë për Ukrainën

Përfaqësuesi i Lartë i BE-së për Punët e Jashtme, Josep Borrell, ka premtuar 500 milionë euro të tjera në mbështetje ushtarake për Ukrainën.

Ai beson se një marrëveshje mund të arrihet në ditët në vijim për një embargo ndaj naftës ruse.

Borrell tha se mbështetja ushtarake do të ishte për armë të rënda si tanke dhe artileri dhe do të çonte ndihmën e bllokut në rreth 2 miliardë euro, raporton Reuters.

Joseph tha me optimizëm se një embargo e BE-së për naftën ruse mund të arrihet gjithashtu në ditët në vijim.

“Jam i sigurt se do të kemi një marrëveshje. Na duhet dhe do ta kemi. Duhet të heqim qafe varësinë e naftës nga Rusia. Nëse nuk ka marrëveshje në nivelin e ambasadorëve, atëherë të hënën ministrat kur të mblidhen duhet të japin shtysën politike”.

LEXONI GJITHASHTU:

• Ukraina akuzon Rusinë për vjedhje të grurit
• Gruri i vjedhur nga rusët po dërgohet në Siri, thotë Inteligjenca ukrainase
• Zelenski i gatshëm për bisedime me Putin, por pa ultimatum