Bearbock mesazh Serbisë: Jetoni në paqe me fqinjët, ndryshe bllokohet rruga në BE

Ministrja e Jashtme e Gjermanisë, Annalena Bearbock, pati një mesazh të qartë në konferencën e përbashkët me ministrin për Europën dhe Punët e Jashtme, Igli Hasani dhe më komisionerin Oliver Varhelyin.

Ajo theksoi se Serbia duhet të jetojë në paqe me fqinjët ose do të bllokohet rruga drejt BE-së.

“BE është një union paqeje, ndaj çështja e sigurisë me fqinjët është një prej çështjeve më kryesore për secilin prej vendeve të këtij rajoni. Do ishte në interesin absolut të secilit prej këtyre vendeve të jetojnë në paqe me fqinjët, përndryshe rruga drejt BE-së do të ishte e bllokuar dhe e penguar. Dhe për këtë pikë folëm në mënyrë intensiev. Serbia të jetojë në paqe me fqinjët ose rruga drejt BE do të bllokohet”-tha ajo.

Ajo shtoi se shtimi i trupave të NATO-s në Kosovë është një sinjal se Perëndimi qëndron vigjilentë dhe kërkon një stabilitet afatgjatë.

“Duhet të shmangim njëherë e mirë shkëndijat e vjetra të zjarrit dhe vatrat e konfliktit.

Provokimet e palës serbe përmes rritjes së trupave ushtarake në kufirin me Kosovën e kanë nxehur edhe më tej situatën. Për këtë biseduam gjatë këtij takimi. Kjo vjen pas një sulmi tinëzar ndal policisë së Kosovës prej një bande terroriste të armatosur deri në dhëmbë. Presim nga Serbia të çojë përpara proceset hetimore të ngjarjeve të 24 shtatorit dhe të kontribuojë në sqarimin e rrethanave ashtu sikundër dhe për ngjarjet e majit për dhunën ndaj KFOR.

Përmes ritjes së trupave të NATO ne japim një mesazh shumë të qartë që qëndrojmë vigjilentë dhe kontribuojmë në terma afatgjatë për stabilitet dhe të ardhmen e rajonit e kemi përzemër.

Por çelësi i zgjidhjes është në Beograd dhe Prishtinë”, tha ajo.

LEXONI GJITHASHTU: 

• U konfliktua me shokun e tij, gjendet i vdekur 13-vjeçari në Nish
• Deklarata e Ramës për KFOR, Abazoviç: Çdo përpjekje etij shkon për paqe në rajon