Begaj: Mos të lejojmë provokimet që destabilizojnë Kosovën dhe rajonin

Presidenti i Shqipërisë Bajram Begaj është takuar me krerët e shteteve të rajonit në kuadër të Forumit të Prespës për Dialog.

Ai ndau me Presidentin e Maqedonisë së Veriut, Stevo Pendarovski, Presidentin e Kroacisë, Zoran Milanoviç, si dhe Presidentin e Malit të Zi Jakov Milatoviç vizionin e tij përbashkëpunim dhe gjithëpërfshirje.

Në qendër të bisedave ishin zhvillimet në Veriun e Kosovës. Presidenti Begaj nënvizoi nevojën që vendet e rajonit anëtare në NATO, duhet të flasin me një zë për mos lejimin që provokime të ndryshme ta destabilizojnë Kosovën dhe të gjithë rajonin.

Pjesë e diskutimeve me presidentët ishin dhe efektet që ka prodhuar lufta në Ukrainë për rajonin në tërësi.

LEXONI GJITHASHTU:

• Begaj nga Forumi i Prespës: Kosova është një realitet i pakthyeshëm
• Rrëmbimi i tre policëve të Kosovës në Veri, reagon presidenti Begaj