Begaj në Slloveni: Mbështetje dialogut Kosovë-Serbi, i shërben paqes në rajon

Presidenti i Republikës, Bajram Begaj ndodhet në Slloveni, ku po merr pjesë në takimin e Liderëve të Procesit të Brdo-Brijunit.

Përmes një postimi në rrjetet sociale ku ka shpërndarë foto nga takimi, Begaj shprehet se temë e diskutimeve ishin nxitja e bashkëpunimit rajonal dhe zgjerimi në BE.

Begaj përmendi edhe dialogun Kosovë-Serbi për të cilin shprehu mbështetje të plotë dhe sipas tij, i shërben sigurisë dhe paqes në rajon.

“I nderuar të merrja pjesë sot në takimin e Liderëve të Procesit të Brdo-Brijunit, platforma më e lartë politike në Ballkanin Perëndimor. Shumë e rëndësishme të diskutonim hapur për nxitjen e bashkëpunimit rajonal si dhe dërgimin e mesazhit të përbashkët se procesi i zgjerimit është tashmë një cështje gjeopolitike dhe gjeostrategjike.

Një rrugë e përshpejtuar e afrimit me BE-në është e domosdoshme tashmë. Mbështetje të plotë dialogut Kosovë-Serbi, si e vetmja mënyrë për zgjidhje të qëndueshme dhe që i shërben paqes, sigurisë dhe progresit në rajon”, shkruan Begaj në Facebook.

LEXONI GJITHASHTU

• Kurti pas takimit me Lajçak: Qëllimi i dialogut është njohja reciproke
• Rama akuza dhomave të tregtisë: Keni bërë anketa jo-profesionale, duhet dialog