“Begaj noter”- Çani: Kjo është e vetmja agjenci që s’kontrollon dot Rama në Shqipëri

Moderatori Arian Çani është shprehur se kryeministri Edi Rama ka kapur thuajse të gjitha pushtetet në Shqipëri.

Komentet Çani i bëri në emisionin “Now me Erla Mëhillin” në Euronews, ku tha se e vetmja agjenci që nuk kontrollon kryeministri Rama është Federata Shqiptare e Futbollit, për të cilën tha se as nuk e dominon, po as nuk e ka kundërshtare.

Ai shtoi gjithashtu se Presidenti i Republikës, Bajram Begaj, marrë shkas edhe nga dekretimi i sotëm i ligjit për Komisionet Hetimore, është noter i kryeministrit Rama.

“Po të bëjmë sot një bilanc të pushteteve në Shqipëri, kjo qeveri nuk ka nën kontroll vetëm FSHF. Por nuk e ka armike. Tani duket sikur janë në një lloj detante, pasi më parë e kishte armike. Pra të vetmen agjenci që nuk kontrollon dot është furbolli.

Pra kemi një president noter. Thelbi nuk është të kërkojmë se cila do të jetë sjellja e Begajt nesër.

Nuk i dihet se ndoshta nesër ndërron qëndrim, i vjen një dallëndyshe të veshi e i thotë që bjeri Ramës. E zëmë se në një moment Rama nuk do të ikë pas 2030 dhe gringot i thonë të ikë nga pushteti. Atëherë çfarë do bëjnë gringot? Do fuqizojnë opozitën dhe Begajn”, tha Çani.

LEXONI GJITHASHTU:

• Dekretimi i ligjit për Komisionet Hetimore, Basha: Rama ka frikë nga e vërteta
• Pakti me Italinë, Rama: Po japim kontribut kundër emigracionit të paligjshëm