Presidenti i republikës, Bajram Begaj pati sot një takim me Ministrin e Punëve të Jashtme të Bosnjeee dhe Hercegovinës, Elmedin Konaković.

Përmes një njfotimi  për shtyp, presidenca bëri të ditur se fokus i takimit ishte marrdhënia mes dy shteteve dhe bashkëpunimi në kuadër të nismave që intensifikojnë proceset integruese në Bashkimin Europian për vendet e Ballkanit Perëndimor.

Njoftimi i plotë i presidencës:

Presidenti i Republikës së Shqipërisë, Sh. T. Z. Bajram Begaj, priti sot në një takim Ministrin e Punëve të Jashtme të Bosnjë dhe Hercegovinës, Sh. T. Z. Elmedin Konaković.

Në fokus të bisedës ishin marrëdhëniet dypalëshe, bashkëpunimi në kuadër të nismave rajonale dhe proceset integruese të vendeve të Ballkanit Perëndimor.

Presidenti Begaj rikonfirmoi qëndrimin se, Shqipëria është e gatshme të intensifikojë bashkëpunimin politik dhe diplomatik me Bosnjën dhe Hercegovinën si dhe të shfrytëzojë potencialet për forcimin e marrëdhënieve ekonomike, veçanërisht në tregti e turizëm.

Presidenti i Republikës së Shqipërisë përgëzoi  për rihapjen e ambasadavë respektive si edhe  përparmin e  Bosnjes dhe Hercegovinës  drejt integrimit evropian me  vendimin   e marsit të shkuar nga ana e Këshillit të Bashkimit Evropian  për çeljen e negociatave me Bosnie  dhe Hercegovinën.