Behrami: Vendimi për Salih Mustafën në këtë moment i shërben Serbisë

Artan Behrami, analist politik, ish-këshilltar i Hashim Thaçit e cilësoi skandaloz vendimin e gjykatës speciale për të dënuar me 26 vjet burg ish-komandantin e UÇK Salih Mustafa.

Në një intervistë për Euronews Albania, ai u shpreh se dhënia e vendimit në këtë moment do t’i shërbejnë axhendës së Serbisë në negociatat me Kosovën.

“Momenti i zgjedhur për të dhënë një vendim të tillë dhe masa kaq e lartë është politike, ka efekte politike dhe do t’i shërbejë axhendës së Serbisë edhe në negociata. Shumëkush e ka ndërlidhur me procesin e dialogut se Serbia është munduar ta akuzojë palën kosovare dhe ndërkombëtarët vazhdimisht janë munduar të krijojnë narracionin se të dy keni qenë viktima dhe të përfshirë në krim”, tha analisti.

LEXONI GJITHASHTU:

• Salih Mustafa dënohet me 26 vjet burg për krime lufte
• SHBA reagon pas dënimit të Salih Mustafës: Nuk është vendim ndaj UÇK apo Kosovës