“Beleri i burgosur politik”, Dule: Të lirohet menjëherë. Po shkelet sovraniteti

Çështja e Fredi Belerit, kryebashkiakut të Himarës që u arrestua 2 ditë para zgjedhjeve të 14 majit, u rikthye në parlament. Kreu i Partisë Bashkimi për të Drejtat e Njeriut, Vangjel Dule kërkoi lirimin e menjëhershëm të tij, duke e cilësuar si të burgosur politik.

“Një qytetari Dionisios Alfred Belerit i dhunohet në mënyrë arbitrare dhe nga çdo këndvështrim liria, i privohet e drejta kushtetuese për të ushtruar kompetencat dhe përgjegjësitë që i kanë ngarkuar bashkëqytetarët e tij.

Një komuniteti atij të bashkisë së Himarës, i nëpërkëmbet e drejta klasike e sovranit, e përse të gjitha këto? Thjesht e vetëm sepse nuk i pëlqen Ludovikut të parë të Shqipërisë. Mund të ketë dhe ka shumë aspekte të drejtësisë, të cilat e mbajën në mënyrë të paligjshme zotin Beleri, por motivuesi dhe dirigjuesi është Kryeministri i vendit”,-tha Vangjel Dule.

LEXONI GJITHASHTU:

• “Basha, më shumë vota se ty”| Ndoka debat me Logun: Kam qenë kandidati më i votuar
• Berisha flet për largimin e Yuri Kim: Duhet t’u kërkojë falje shqiptarëve