Bëri thirje për të mbështetur ISIS, Apeli i GJKKO dënon me burg ekstremistin

Gjykata e Posaçme e Apelit për Korrupsionin dhe Krimin e Organizuar ka lënë në fuqi dënimin prej 2 vite e 8 muaj, për Ibrahim Lekicën, i njohur ndryshe dhe me emrin El Salih.

El Salih u akuzua nga Prokuroria e Posaçme se ka përkrahur organizatën terroriste të ISIS.

Ai është shpallur për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”.

Ibrahim El Salih përdorte rrjetet sociale, ku me profile false i bënte thirrje qytetarëve të përkrahnin luftën në Siri, si dhë bënte thirrje ekstremiste në mbështetje të Shtetit Islamik.

Vendimi:

“1. Deklarimin fajtor të të pandehurit I. E. S. për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”, parashikuar nga neni 232/a të Kodit Penal dhe dënimin e tij me 4 vjet burgim.

2. Në zbatim të nenit 406/1 të Kodit të Procedurës Penale, të pandehurit I.E.S. i ulet 1/3 (një e treta) e dënimit të dhënë, duke u dënuar përfundimisht me 2 vjet e 8 muaj burgim.
3. Vuajtja e dënimit fillon nga momenti i arrestimit dhe do të vuhet në një burg të sigurisë së zakonshme…”

• Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Euronews siguron dosjen e çuar në Kuvend per Ahmetaj, 6 rastet e korrupsionit
• Dosja Ahmetaj: 34 mijë € pagesa, lista e hoteleve që u paguan për ish-ministrin