Berisha: Dekreti i Metës për Bajram Begajn është i pavlefshëm

Kryetari i Partisë Demokratike, Sali Berisha ka bojkotuar votimin për kandidaturën e Bajram Begajt, për President të Republikës që po mbahet në Kuvend.

Gjatë deklaratës së tij për mediat jashtë ambienteve të Kuvendit, Berisha u shpreh se dekreti i Presidentit Ilir Meta për lirimin nga detyra të Begajt, është i pavlefshëm.

Ai nënvizoi se presidenti humbet fuqinë e dekreteve nëse ndodhet jashtë shtetit, bazuar në të drejtën kushtetuese europiane.

“Në të drejtën kushtetuese europiane, presidenti humbet fuqinë e dekrteeve jashtë territorit të vendit të tij. Jashtë territorit nuk ka dekret. Kjo është e drejta kushtetuese europiane. Jashtëzakonisht. Kur je jashtë shtetit, kryetar shteti është kryetari i parlamentit”, u shpreh Berisha.

Nga Stambolli, Presidenti Meta firmosi dekretin për lirimin nga detyra e Shefit të Shtabit të Përgjithshëm të Forcave të Armatosura të Republikës së Shqipërisë, duke i hapur rrugë votimit të tij në postin e kreut të ri të shtetit.

LEXONI GJITHASHTU

• Kryemadhi: Uroj që Begaj të mos jetë ministri pa portofol i qeverisë Rama
• Presidenti i duhej lënë në dorë opozitës, thotë Duma